තුන්වන අදියර -  ජීවවායු නිෂ්පාදන ඒකකය

"කොරටුව" ව්‍යාපෘතියේ තුන්වන අදියර ලෙස, ජීවවායු නිෂ්පාදන ඒකකය ක්‍රියාත්මක වේ.මෙම අදියර චක්‍රීය පද්ධතියට පුනර්ජනනීය බලශක්තිය (renewable energy) නිෂ්පාදනය කරමින්, ව්‍යාපෘතියේ පාරිසරික හා ක්‍රියාකාරී තිරසාර පැවැත්ම තවදුරටත් ශක්තිමත් කරයි.

මෙම ක්‍රියාවලියේදී කාබනික අපද්‍රව්‍ය ඔක්සිජන් රහිත පරිසරයක (anaerobic digestion) දිරවීමකට ලක් කරයි.ආපනශාලා වලින් ඉවතලන ආහාර අපද්‍රව්‍ය, ගොවිපල ද්‍රව්‍ය, ගව මල (cow dung) සහ අනෙකුත් දිරාපත් විය හැකි ද්‍රව්‍ය මෙම ක්‍රියාවලිය සඳහා භාවිතා කරයි. මෙම දිරවීමේ ක්‍රියාවලිය මගින් මීතේන් වායු අඩංගු ජීවවායු නිපදවෙන අතර, එය පිරිසිදු හා පුනර්ජනනීය ඉන්ධන මූලාශ්‍රයක් ලෙස භාවිතා කළ හැකිය.

මෙම අදියරේ ප්‍රධාන විශේෂත්වය වන්නේ නිෂ්පාදිත ජීවවායුව, විශ්වවිද්‍යාලයේ ප්‍රධාන ආපනශාලාව වෙත සෘජුවම සැපයීම සහ භාවිතා කිරීමයි.එමඟින් සාම්ප්‍රදායික LPG භාවිතය අඩු කරමින්, ආහාර පිසීම සඳහා අවශ්‍ය බලශක්ති පිරිවැය සැලකිය යුතු ලෙස අඩු කරයි.ඒ සමඟම කාබන් විමෝචනය (carbon emissions) ද අඩු කරමින් විශ්ව විද්‍යාලයීය පරිසරය තිරසාර කරයි.

ජීවවායු නිෂ්පාදන ක්‍රියාවලියේ අතුරු නිෂ්පාදනයක් ලෙස, 'slurry' ලෙස හැඳින්වෙන පෝෂණයෙන් සපිරුණු ද්‍රවයක් ලැබේ.මෙම ද්‍රව්‍යය නාස්ති නොකර "කොරටුව" ව්‍යාපෘතියේ එළවළු වගා ඒකකයට ස්වභාවික පොහොරක් ලෙස නැවත භාවිතා කරනු ලබයි.එමඟින් පද්ධතියේ චක්‍රීය ගමන තවදුරටත් ශක්තිමත් වේ.

මෙම අදියර අපද්‍රව්‍ය–ශක්ති (waste-to-energy) පරිවර්තනයේ සැබෑ ප්‍රායෝගික යෙදවීම පෙන්නුම් කරයි.අධ්‍යාපනික වශයෙන්ද මෙම ඒකකය ඉතා වැදගත් වේ.සිසුන්ට පුනර්ජනනීය බලශක්ති පද්ධති, තිරසාර ඉංජිනේරු ක්‍රමවේද සහ පරිසර හිතකාමී තාක්ෂණයන් පිළිබඳ ප්‍රායෝගික අවබෝධයක් ලබා දීම මෙහි අරමුණයි.

අවසානයේ, ජීවවායු නිෂ්පාදන ඒකකය "කොරටුව" ව්‍යාපෘතියේ තිරසාර බලශක්ති කේන්ද්‍රස්ථානය ලෙස ක්‍රියා කරමින්, විශ්වවිද්‍යාලයේ ප්‍රධාන ආපනශාලාව සඳහා පිරිසිදු සහ පුනර්ජනනීය ඉන්ධන සැපයීම මගින් සම්පූර්ණ පද්ධතියටම විශාල දායකත්වයක් ලබා දෙයි.